विव्यस मनोनित पद स्वतः मुक्त

दमौली/शिक्षा तथा मानव स्रोत केन्द्र अन्तर्गत शिक्षा विकास तथा समन्वय इकाइ तनहुँले संसोधित कानून अनुसार तनहुँ जिल्ला भरका विद्यालय व्यवस्थापन समितिका मनोनित सदस्यहरू स्वतः पदमुक्त भएको जनाएको छ ।
नेपाल सरकारले केहि नेपाल ऐनलाई संसोधन गर्ने अध्यादेश २०८३ ले शिक्षा ऐन २०२८ को दफा १२ उपदफा १ खण्ड ‘त’ मा भएको व्यवस्था खारेज गरेपछि विद्यालय व्यवस्थापन समितिका मनोनित सदस्हयहरु स्वतः पदमुक्त भएका छन् । मनोनित बाट अध्यक्ष भएको भए सो स्थानमा नयाँ व्यवस्था गर्ने बाटो खुलेको छ ।
अध्यादेश मार्फत वाहलवाला विद्यालय व्यवस्थापन समितिको मनोनित सदस्य पद स्वतः पदमुक्त भएपछि शिक्षा विकास तथा समन्वय इकाइ तनहुँले स्थानिय तह तथा विद्यालयहरुलाई पत्राचार गरी जिल्लाभरका सामुदायिक विद्यालयहरुमा संसोधित व्यवस्था अनुसार प्रक्रिया अगाडी बढाउन अनुरोध गरेको छ ।