विशेषसम्वाददाता
देशमा प्रजातन्त्र स्थापनाको आन्दोलनमा सहभागी भए बापत भुटानबाट लखेटिएका नागरिकको नाममा नक्कली
शरणार्थी बनाएर नेपालीलाई तेस्रो देश पठाउने प्रकरणले नयाँ मोड लिएको छ ।
यो प्रकरणमा पक्राउ परेका केशव दुलालले बयानका क्रममा तत्कालिन प्रधानमन्त्री केपी शर्मा ओलीका प्रमुख स्वकीय सचिव राजेश बज्राचार्यले प्रधानमन्त्री कार्यालयमै एक
करोड रुपैया लिएको बताए । यो संगै देशको सर्वोच्च कार्यकारी प्रधानमन्त्री पदमा आसिन व्यक्ति समेत यो प्रकरणमा मुछिने देखिएको छ । तत्कालिन उर्जा मन्त्री टोपबहादुर रायमाझी पक्राउ परेसंगै बालुवाटारमा बढेको पूर्व प्रधानमन्त्री ओलीको दौडधुपले पनि यस्तो आशंकामा बल दिएको छ । दुलालका अनुसार तत्कालिन गृहमन्त्री
रामबहादुर थापाले समेत नगद तीन करोड बुझेको बताएका छन् ।
यसअघि जिल्ला प्रहरी परिसर काठमाडौँले २०७९ चैत १२ देखि सुरु गरेको अनुसन्धान ५८ दिनमा पूरा गरेर काठमाडौँ जिल्ला सरकारी वकिलको कार्यालयमा सोमबार प्रतिवेदन बुझाएको थियो । प्रहरीले उक्त प्रकरणमा ३० जना विरुद्ध मुद्दा चलाउन सिफारिस गरेको
थियो । तर पक्राउ परेकाहरुको पछिल्ला बयानले प्रकरणमा नयाँ नयाँ मोड लिने देखिएको छ । नक्कली भुटानी शरणार्थी प्रकरणमा कतिपय अभियुक्त विरुद्ध जाहेरी आउन सक्ने र सङ्गठित अपराधमा संलग्न अन्य आरोपितलाई समेत कानुनी दायरामा ल्याउन मिल्ने गरी पूरक प्रतिवेदन पुनः पेस गर्ने विकल्पसहितको अनुसन्धान प्रतिवेदन बुझाएको थियो ।
यस प्रकरणमा पूर्वउपप्रधानमन्त्री तथा नेपाल कम्युनिस्ट पार्टी (एमाले) का निलम्बित सचिव टोपबहादुर रायमाझी, पूर्वगृहमन्त्री तथा नेपाली कांग्रेसका केन्द्रीय सदस्य बालकृष्ण खाण, तत्कालीन गृहसचिव टेकनारायण पाण्डे र तत्कालीन गृहमन्त्रीका सुरक्षा सल्लाहकार इन्द्रजित राईको भूमिका प्रमुख देखिएको अनुसन्धानबाट खुलेको बताएको काठमाण्डौ प्रहरीले शायद नयाँ नाम थपिन सक्ने आँकलनका साथ पुरक प्रतिवेदन पुनः पेस गर्ने विकल्प राखेको थियो ।
भुटानी शरणार्थी प्रकरणमा फेस सेभिङ्ग भुटभुटी ठूला भनिएका नेताहरुलाई भैरहेका बेला सडक र सदन तात्दैछ । सदन चल्नै नसक्ने अवस्था आयो भने राजनीतिक कोष परिवर्तन पनि हुन सक्दछ ।