दमौली/तीन दिने आधारभूत सर्वेक्षण प्रश्नावली निर्माण तालिमको बुधबार जिल्ला समन्वय समिति तनहुँका प्रमुख शान्तिरमण वाग्लेको प्रमुख आतिथ्यतामा सुभारम्भ भएको छ ।
प्रमुख वाग्लेले उद्घाटन मन्तब्य राख्दै आधारभूत सर्वेक्षण प्रश्नावली निर्माणमा मेहनत गरेर लाग्न अभिप्रेरित गर्नुभएको छ । तथ्याङ्क, सर्वेक्षणमा कमजोरी हुँदा देशका ठूला ठूला योजना असफल भएको स्मरण गराउँदै महिला सहभागिता वेशी रहेको तालिमबाट गुणात्मक उपलब्धि हासिल हुने विश्वास व्यक्त गर्नुभयो ।
नेपाल रेडक्रस सोसाईटी तनहुँ शाखाका सभापति कृष्णहरि वाग्लेको सभापतित्वमा भएको उद्घाटन कार्यक्रममा उपसभापति ऋषिराम पोख्रेल, मन्त्री चिनु पोख्रेल, कोषाध्यक्ष हरिशरण पण्डित, उपकोषाध्यक्ष शुकुमलाल गुरुङ्ग लगायतले सम्बोधन गर्नूभएको थियो ।
समावेशी समुदाय निर्माणमा अपाङ्गता भएका व्यक्तिहरुको सशक्तिकरण कार्यक्रममा खटिएका सामाजिक कार्यकर्ताहरुलाई आधारभूत सर्वेक्षण प्रश्नावली निर्माण सम्बन्धी तीन दिने सीप मूलक तालिम नेपाल रेडक्रसले दमौलीमा बुधबारबाट सञ्चालन गरेको छ ।
कार्यक्रम लागू भएको लम्जुङ्ग क्षेत्रबाट नौ जना, तनहुँका ८ जना र कर्मचारी ६ जना गरी २३ जनाको सहभागिता रहेको सो तालिमलाई सहजकर्ता रीता श्रेष्ठ भदा, आइ एम अफिसर दिपक दवाडी, कार्यक्रम अधिकृत अनिता अधिकारीले सहजीकरण गर्ने कार्यक्रम रहेको छ ।