दमौली/कार्तिक २२ गतेदेखि २८ गतेसम्म संघीय निर्वाचन क्षेत्र नं. १ का १५ वडाका मतदातासंग भेटघाट तथा अन्तरक्रिया कार्यक्रममा सहभागि भएका नेपाली काँग्रेसका नेता गोविन्दराज जोशी उत्साहि देखिएका छन् । मतदातासंगको भेटघाटमा आएका जिज्ञासा र उम्मेदवार बनेर आउन गरेको आव्हानबाट उत्साहि बनेका नेता जोशीले दोस्रो चरणको कार्यक्रम मंसिर १ गते सार्वजनिक गरेका छन् ।
सार्वजनिक भएको मतदाता भेटघाट तथा अन्तरक्रिया कार्यक्रम पुनः मंसिर १२ गतेबाट शुरु हुने बताइएको छ । मतदाता भेटघाट तथा अन्तरक्रिया कार्यक्रममा सहभागि भएका सर्वदलिय सर्वपक्षिय मतदाताहरुले ‘आफ्नो टिकट आफै लिऔं, योग्य उम्मेदवारलाई मतदान गरौं’ भन्ने नाराका साथ आफ्नो गाउँसमाज माझ आएका विकाश गर्न सक्ने नेता जोशीलाई उम्मेदवार बनेर आएमा मतदान गर्ने आश्वासन दिएर आस्वस्थ पारेका छन् । पहिलो चरणको कार्यक्रममा भानु नगरपालिकाका अधिकाँश वडाका पुगेका जोशीले व्यास नगरपालिकाको पनि केही वडाहरुका मतदाताहरुसंग भेटघाट तथा अन्तरक्रिया कार्यक्रम सहभागि भएका थिए ।
जोशीको आव्हानमा भएको भेटघाट तथा अन्तरक्रिया कार्यक्रममा काँग्रेस समेत एमाले, माओवादी र राप्रपाका कार्यकताहरु समेतको उल्लेख्य सहभागिता रहेको थियो । संघीय निर्वाचन क्षेत्रका सबै टोलका मतदातासंग प्रत्यक्ष भेटघाट गर्ने जोशीको दोस्रो चरणको अभियान मंसिर १२ गते शुरु हुने गरी बुधबार कार्यक्रम सार्वजनिक भएको छ । बुधबार सार्वजनिक कार्यक्रम अनुसार मंसिर १२ गतेदेखि २५ गतेसम्म चौध दिनको कार्यक्रममा व्यस्त रहने बताईएको छ ।
व्यास १२ को घाँसीकुवा, व्यास–११ को मूलपानी, बेलटारी, फराकचौर, तनहुसुर, र बेल्टारी, दरैपँधेरा, निर्वु, दुम्सि चौर, बराह खेला, भ¥याङ्दी, रामदास व्यास–१३ को पोखरीभञ्ज्याङ, केशबटार, कुलुङ, तामुङका मतदातासंग भेटघाट गर्ने कार्यक्रम रहेको छ । मंसिर १७ गते बन्दिपुर बजार तथा का मतदाताहरुसंग भेटघाट गर्ने कार्यक्रम रहेको छ । मंसिर १३ गते विहान भने विपी विचार समाज क्षेत्र नं. २ का सभापति नरेन्द्र थापाको घरमा पारिवारिक भेटघाटका लागि भिमादको मिच्छुर्लुङ्ग जाने कार्यक्रम रहेको छ ।