खाजा कार्यक्रमलाई सहयोग गर्न आग्रह

दमौली/शिक्षा विकास तथा समन्वय इकाइ तनहुँका प्रमुख रमाकान्त शर्माले विद्यालयहरुमा सञ्चालित दिवा खाजा कार्यक्रमलाई प्रभावकारी बनाउने काममा सहयोग गर्न सबैलाई आग्रह गरेका छन् ।
शर्माले प्रत्येक सामुदायिक विद्यालयलाई सरकारले प्रति विद्यार्थी प्रति दिन १५ रुपैँयाका दरले १८० दिनको दिवा खाजाको वजेछ श्रावण महिनामा नै स्थानीय तहमा पठाई सकेको उल्लेख गर्दे साना बालबालिकालाई राज्यले व्यवस्था गरको खाजा कार्यक्रम लाई सहयोग गर्न आग्रह गरेका हुन् । अनुगमनका क्रममा कतिपय विद्यालयहरुले अझै खाजा नखुवाएका, कतिपय विद्यालयले निर्देशिका विपरित पत्रु खाना खुवाएको पाईएको भन्दै शर्माले जिम्मा पाएकाहरुलाई  जिम्मेबार बनाउन आम अभिभावकलाई आग्रह गरेका छन् । 
स्थानीय तहबाट विद्यालयमा बजेट नगएको भए बजेट पठाउन आग्रह गर्दे शर्माले दिवा खाजाका विषयमा अभिभावकको चासो वृद्धि गर्न र सचेत समुदायबाट खाजा कार्यक्रमलाई सहयोग गर्न आग्रह समेत गरेका छन् । 
दिवा खाजा कार्यक्रम सकारात्मक भएको भएपनि यसले विद्यालयलाई समस्या भने थपिएको छ । पहिलो कुरा त खाजाको रकम पर्याप्त छैन । अझ आवश्यक भाँडा किन्ने, खाजा बनाउने तथा भाँडाको सरसफाई गर्ने व्यक्तिको लागि बजेटको व्यवस्था छैन । सरकार खाजामै ठूलो रकम खर्च भएकोले भाँडा तथा बनाउने व्यक्तिका लागि बजेट छुट्याउन सम्भव नभएको भनेर पन्छिन् खोजे पनि यसको व्यवस्था गर्ने दायित्व भने सरकारकै हो । अर्काेतिर स्वस्थवद्र्धक खाजा खुवाउनु सम्बन्धित सबै पक्षको दायित्व हो । दिवा खाजको नाममा १० रुपैयाँको चाउचाउ बाँड्ने वा अन्य पत्रुखाना बाँड्ने गरेर बालबालिकाको स्वास्थ्यमा थि खेलवाड गर्ने काम पनि कोही कसैबाट हुनु हुँदैन । यसमा आम अभिभावक तथा समुदायका सचेत वर्गको भूमिका महत्वपूर्ण रहने छ ।