दमौली/जिल्ला अदालतमा कार्यरत न्यायाधीश र कानुन व्यवसायीबाट उच्च अदालतको न्यायाधीशमा जानका लागि तनहूँबाट सात जनाको दरखास्त परेको छ ।
जिल्ला अदालतमा कार्यरत न्यायाधीश हरिश्चन्द्र ढुंगानाको उच्चको न्यायाधीशमा दरखास्त परेको छ । न्याय सेवाबाट दरखास्त दिने भिमकुमार श्रेष्ठको जन्मस्थान पनि तनहुँको गजरकोट रहेको बुझिएको छ ।
जिल्ला न्यायाधीश शिवबहादुर रानाभाट र अर्जुन अधिकारीको जन्मस्थान पनि तनहुँ नै रहेको छ । अध्यापकबाट दरखास्त दिने राम घिमिरे पनि तनहुँकै रहेका छन् । कानुन व्यवसायीबाट दरखास्त दिन यज्ञबहादुर रानामगर शिवबहादुर सुनार पनि तनहुँकै हुन् । यज्ञ राना मगरले तनहुँमै अभ्यासरत रहेका छन् ।
उच्च अदालतमा नयाँ भर्ना गर्न खोजिएको २७ जना न्यायाधीशका लागि ७५ जना जिल्ला न्यायाधीश र एक सय ६१ जना कानुन व्यवसायी, ११ जना कानूनका अध्यापक, अन्वेषकहरु, १३ जना न्याय सेवाका कर्मचारी र नौ जना सरकारी वकिल समूहका कर्मचारी र आठ जना कानुन समूहका कर्मचारी गरी कूल दुई सय ७७ जनाले दरखास्त दिएका छन् । त्यसभित्र १९ जना महिलाहरु रहेका छन् ।
