दमौली/व्यास–५ पाटनस्थित पराशर आश्रम संरक्षण समितिले श्री शिवापुराण महायज्ञको आयोजना गरिने भएको छ । पौष १० देखि १८ गतेसम्म चल्ने महायज्ञमा महिर्षि वेदव्यास वेदविद्याश्रमका गुरु प्रार्चाय रामप्रसादले प्रमुख वाचन गर्ने संरक्षण समितिका अध्यक्ष तारा प्रसाद श्रेष्ठले जानकारी दिए । महायज्ञमा १ हजार ८ डा. स्वामी रामनन्द गिरि र १ हजार ८ स्वामी रमणानन्द गिरिलाई अभिषेक गरिने छ । वैदिक सनातन धर्म संस्कृत र संस्कृत विद्याको संरक्षण, संवद्र्धन तथा प्राचिन सम्पतिको संरक्षण गर्ने उद्देश्यसहित महायज्ञको आयोजना गर्न लागिएको महायज्ञ मुल समारोहका सहसंयोजक तारानाथ घिमिरेले जानकारी दिए । महायज्ञबाट संकलित रकमबाट विद्यालयको स्तरोन्नती गर्ने तथा स्नातक तहसम्म आवासीय सुविधा सहित निःशुल्क शिक्षा प्रदान गरिने लक्ष्य रहेको छ ।
