गजौडे/व्यास–९ गजौडेमा ४५ दिने सिलाई कटाई तालिम आईतबार सम्पन्न भएको छ । दुई लाख साठी हजारको लागतमा ३० जनालाई सिलाई कटाई तालिम प्रदान गरिएको गजौडेबाट बाबुराम खनालले बताउनु भयो । सो तालिमको वडाध्यक्ष सुरेश थापाको प्रमुख आतिथ्यतामा समापन भएको थियो । समापन कार्यक्रममा नेरेसो कलेस्ती उपशाखाका सभापति बाबुराम खनाल, वडाकार्यालयका सचिव चेतबहादुर दरै, सहभागि अप्सरा घर्ति र ज्योति थापा लगाएतले तालिमको महत्व र यसको व्यवहारिक उपयोगका बारेमा आ–आफ्नो धारणा राख्नु भएको थियो । वडा सदस्य जानू सुनारको अध्यक्षतामा भएको सो कार्यक्रमको सञ्चालन सर्मिला आचार्यले गर्नुभएको थियो । स्वागत मञ्जु आचार्यले गर्नुभएको थियो । सहभागि राधा भण्डारी तालिमबाट आफू निकै प्रभावित भएको सुखानुभूति व्यक्ति गर्नुभएको थियो ।
