भानु/नेपाल रेडक्रस सोसाईटी कलेस्ती उपशाखाको आव्हानमा वडा नंं ८ विर्ताका दुई जना व्यापारीले विश्वव्यापी भएको कोरोना भाईरसबाट बचेर खाद्य सामाग्री लगायतका किराना पसल सञ्चालन गर्न मंगलबारबाट सतर्कता अपनाएका छन् ।
उपशाखाका सभापति बाबुराम खनालले दिएको जानकारी अनुसार खेमबहादुर गुरुङ्ग र तारा विष्टले आफ्नो पसलमा आउने ग्राहकलाई कति सम्म आउने भनेर डोरी टाँगेर दुरी सीमा निर्धारण गरेका छन् । त्यसैगरी ग्राहकको आवत जावत भएपछि डिडिटी पाउडर छर्केर सफा गर्ने गरेका छन् ।
स्थानीय व्यापारीको त्यो सजगताको अवलोकन गर्न आउनु भएका वडाध्यक्ष सुरेश थापा, वडा नं. ९ का वडाध्यक्ष रामबहादुर बानियाँ र मुस्लिम आयोगका सदस्य रफिक मियाँले स्थानीय व्यापारीको देखाएको सजगताको प्रसंस गर्नुभएको थियो ।
