Tanahu Awaj

दमौली/गणतन्त्रको १४ बर्षमा गणतन्त्रवादीहरुकै कारण बद्नाम हुँदै जान थालेपछि तनहुँमा पनि बुधबारबाट राजावादी अभियानले प्रवेश पाएको छ ।
रजा आउ देश बचाउ भन्ने नारा लगाउँदै मोटर साईकल ¥यालीमा उत्रेको राजावादी समूहले राष्ट्र निर्माता पृथ्वीनारायण शाहको फोटो अंकित गञ्जी लगाएको थियो । नेपालको झण्डा सहित ¥यालीमा उत्रेको सो समूहले पृथ्वी राजमार्ग, दमौली तथा डुम्रे क्षेत्रमा राजतन्त्रको पक्ष र गणतन्त्रको विरोधमा नाराबाजी गरेको छ ।
झण्डै २० वटा मोटरसाईकलमा आएका युवाहरुले छातीमा अवैधानिक रुपमा हटाएका पूर्वराजा ज्ञानेन्द्र शाहको फोटो अंकित गञ्जी लगाएका थिए । ‘गणतन्त्र धोका हो’, ‘राजा आउ देश बचाउ’, ‘राजतन्त्र जिन्दाबाद’ लगायतका नारा लगाउँदै आएको समूहले दमौली बजार समेत परिक्रमा गरी गणतन्त्रवादीहरुलाई लज्जित तुल्याएका थिए ।
देशमा गणतन्त्र पहुँच भएकालाई मात्र आएको, भ्रष्टाचार बढाएको, र कुशासन ल्याएको ¥यालीमा सहभागि सन्तोषले आरोप लगाए । १४ बर्षमै बद्नाम भएको गणतन्त्रले राजतन्त्र नै देशमा आवश्यक भएकाले पुष्टि गरेको ¥यालीमा सहभागि युवाहरुले सगर्व बताएका थिए ।
देशव्यापी हुँदै जान थालेको राजावादी यो अभियानले सहजतापूर्वक तनहुँमा प्रवेश गरेर पूर्वपञ्चहरु र गणतन्त्रको नाममा नेपाली जनताको शोषण गरेको बुझ्ने देख्ने, जान्ने सबैलाई विरोधमा उत्रन प्रेरित गरेको, वातावरण बनाई दिएको दमौली बजारमा चर्चा चल्न थालेको छ ।