Tanahu Awaj

दमौली/व्यास नगरपालिकाको आयोजनामा गत साता सदरमुकाम दमौली स्थित निर्मल माविमा सञ्चालित नगरस्तरीय राष्ट्रपति रनिङ शिल्ड प्रतियोगितामा सत्यवती मावि सर्वाधिक पदक सहति विजेता बनेको छ । प्रतियोगितामा निर्मल मावि दोश्रो तथा ग्रीन स्टार अंग्रेजी स्कूल तेश्रो भएका छन् । आईतबार सम्पन्न प्रतियोगितामा सत्यवतीेले १७ स्वर्ण, आठ रजत तथा २ कास्य सहित २७ पदक जितेर प्रथम भएको थियो । दोश्रो भएको निर्मल माविले ४ स्वर्ण, ६ रजत तथा ५ कास्यसहित कुल १५ पदक जितेको थियो । तेश्रो स्थान ओगटेको ग्रीन स्टार वोर्डिङ स्कुलले दुई स्वर्ण, तीन रजत, तीन कास्य पदकका साथ आठ पदक हात पारेको थियो । प्रतियोगितामा सहभागी विद्यालयहरु मध्ये ८ वटा विद्यालयले रजत पदक, १२ वटा विद्यालयले रजत पदक तथा १६ वटा विद्यालयले कास्यपदक जितेका थिए ।