दमौली/नेपाली काँग्रेसका आदर्श पुरुष बीपी कोइरालाको ४०औं स्मृति दिवस तनहुँमा छुट्टै कार्यक्रमका बीच काँग्रेस कार्यकर्ताहरुले चिन्तन मनन र विचार गोष्ठि गरेर मनाएका छन् । बीपी विचार समाज तनहुँले साउन ६ गते वर्तमान नेपालको राजनीति र बीपीको विचार विषयमा विचार गोष्ठिको आयोजना गरेर आफ्ना आदर्शपुरुष बीपीको ४०औं स्मृति दिवस मनाएको छ । नेपाली काँग्रेस जिल्ला कार्य समितिले स्थानीय तह निर्वाचन समिक्षासंगै जोडेर बीपी स्मृति दिवस मनाउने औपचारिकता पुरा गरेको छ । बीपी स्मृति दिवसको भन्दा बढी चर्चा स्थानीय तह निर्वाचन समिक्षाले पाएको थियो । बीपी विचार समाजले डिल्लीराम अधिकारीको सभापतित्वमा कार्यक्रम सम्पन्न गरेको थियो भने नेपाली काँग्रेसले जितप्रकाश आलेको सभापतित्वमा कार्यक्रम सम्पन्न गरेको थियो ।
