दमौली/तनहुँ जिल्ला भलिबल संघको आयोजनामा सम्पन्न अन्तरपालिका स्तरीय भलिबल प्रतियोगिताको उपाधि शुक्लागण्डकी नगरपालिकाले जितेको हो । आइतबार संचालित फाइनल खेलमा शुक्लागण्डकीले घिरिङ गाउँपालिकालाई सोझो सेटमा हराएको थियो । प्रतियोगितामा शुक्लागण्डकी न.पा प्रथम, घिरिङ गा.पा द्वितिय र भिमाग न.पा. तृतिय भएका थिए । साथै प्रथम हुनेले एक लाख एक हजार ११ रुपैया नगद, ट्रफि, मेडल र प्रमाणपत्र, द्वितियले ५१ हजार एक सय ११ नगद, ट्रफि, मेडल र प्रमाणपत्र र तृतियले २५ हजार एक सय ११ नगद, ट्रफि, मेडल र प्रमाणपत्र प्राप्त गरेको संघले जनाएको छ । प्रतियोगितामा ९ वटा टिमको सहभागिता रहेको थियो ।
