शिक्षक सरकार बीच सहमति

दमौली/चैत्र २० गतेबाट शुरु भएको नेपाल शिक्षक महासंघको आन्दोलन २८औं दिनसम्म पुग्दा वार्ताटोली बीच बुधबार नौ बुँदे सहमति भएको छ ।
मन्त्रीपरिषदबाट अनुमोदन भएपछि सार्वजनिक गर्ने भनिएको नौ बुँदामा शिक्षकहरुका अधिकाँश मागहरु समेटिएको शिक्षक नेताहरुले बताएका छन् । तर ती सहमतिहरु कार्यान्वयन गर्दा आठ अर्बको थप दाइत्व बढ्ने शिक्षा मन्त्री रघुजी पन्तले बताए । विहिबारदेखि आन्दोलनहरु स्थगित गरेर विद्यालय फर्केर सबै सहयोग गर्ने सहमति भएको छ । निजामति अस्पतालमा उपचार सहुलियत उपलब्ध गराउने, निजामति सरह ग्रेड संख्या र रकम कायम गर्ने समेतका नौ बुँदामा सहमति भएको मन्त्री पन्तले जानकारी दिए ।