राष्ट्रपतिद्वारा मोटरेबल पुल उद्घाटन

दमौली/राष्ट्रपति रामचन्द्र पौडेलले तनहुँको देवघाट–५ घिनाटार र चितवनको भरतपुर महानगरपालिका–१ ठिमुरा जोड्ने त्रिशूली नदी माथी बनेको मोटरेवल पुलको शनिबार उद्घाटन गर्नुभएको छ । निर्माण सुरु भए यता पटक–पटक निर्माण कम्पनीले काम छोड्ने, नक्साङ्कन परिवर्तन, भौगोलिक हिसाबले कठिन ठाउँ, निर्माण पुरा हुने लाग्दा पुल भत्किनु लगायत समस्याले निर्माण शुरु भएको १० वर्ष पछि यो पुल संचालनमा आएको हो । यस पुल निर्माणका लागि सुरुमा रु १९ करोड १० लाख ६६ हजारमा ठेक्का सम्झौता भएको भए पनि संशोधित लागत रु २१ करोड ६८ लाख ४८ हजार रहेको छ ।