शुनपा खैरेनीटार महोत्सव

दमौली/चैते दशैंको सन्दर्भ पारेर प्रत्येक बर्ष गरिने महोत्सव यस बर्ष पनि शुक्लागण्डकी खैरेनीटार महोत्सवको नामले गर्न लागिएको छ । शुक्लागण्डकी नगर उद्योग वाणिज्य संघले चैत्र २४ गतेदेखि बैशाख ५ गतेसम्म आयोजना गरेको महोत्सव खैरेनीटार हाईस्कूलको पछाडि प्रगति टोलमा सामानहरु झारेर २२५ स्टल बनिसकेको बताईएको छ । पत्रकार सम्मेलन गरेर सोको जानकारी दिइएको थियो । शुक्लागण्डकी खैरेनीटार नगर उद्योग वाणिज्य संघ बनेपछि पहिलो पटक महोत्सव आयोजना गरिएको निर्देशक समुन्द्रराम श्रेष्ठले बताए ।