भूमि आयोगमा थपिए सदस्य

दमौली/नेपाल सरकार मन्त्रिपरिषदको फागुन १६ गतेको निर्णयबाट राष्ट्रिय भूमि आयोग तनहुँमा तीन सदस्य थप गरिएको छ । सो अनुसार सर्वदा खनाल, श्रीराम कार्की, कृष्ण गुरुङ्गले चैत्रको पहिलो हप्ता शपथ ग्रहण गरेका छन् । यस अघि भूमि आयोगको अध्यक्ष रामचन्द्र अधिकारीको मात्रै नियुक्ति भएको थियो । यस अनुसार आयोगमा सत्ता गठबन्धन दलको भूमि आयोगमा सहभागिता देखिएको छ । नेपाली काँग्रेसको तर्फबाट अध्यक्ष रामचन्द्र अधिकारी, नेकपा माओवादी केन्द्रको तर्फबाट सर्वदा खनाल, नेपाल एकीकृत समाजवादीको तर्फबाट श्रीराम कार्की र जनता समाजवादीको तर्फबाट कृष्ण गुरुङले प्रतिनिधित्व गरेका छन् ।