बसको ठक्करबाट दुईको मृत्यु

दमौली/डुम्रे – दमौली सडकखण्डस्थित व्यास १२, घाँसीकुवामा शनिबार बसको ठक्करबाट मोटरसाइकलमा सवार दुई जनाको मृत्यु भएको छ । पोखराबाट सुनौली जाँदै गरेको ग१ख ४७८० नम्बरको यात्रुवाहक बसले डुम्रेबाट दमौलीतर्फ आउदैँ गरेको ना३९प ९५३८ नम्बरको मोटरसाइकललाई ठक्कर दिदाँ गम्भिर घाइते भएकाहरुको उपचारको क्रममा मृत्यु भएको थियो । मृत्यु हुनेमा गोरखा नगरपालिका १४का २१ वर्षीय माधव दराई र १६ वर्षीय सुरज परियाररहेको स्थानीय सञ्चार माध्यामहरुले जनाएको छ ।