तालघारेमा दुर्घटना

दमौली/पृथ्वीराजमार्गस्थित तनहुँको तालघारेमा मंगलबार बस र मोटरसाइकल आपसमा ठोक्किदाँ एक जना गम्भिर घाइते भएका छन् । पोखराबाट चितवन जाँदै गरेको ना३ख ७५४७ नंंको बस र डुम्रेबाट पोखरातर्फ जाँदै गरेको बा८६प ७८४६ नम्बरको मोटरसाइकल आपसमा ठोक्किदाँ व्यास नगरपालिका ११ बस्ने २२ वर्षीय दिपेन्द्र क्षेत्री गम्भिर घाइते भएका हुन् । उनलाई दुर्घटना लगतै दमौलीको रत्नहरि अस्पतालमा सामान्य उपचार पछि थप उपचारको लागि पोखरा लगिएको छ ।