तनहुँ प्रहरीलाई अर्काे सफलता

दमौली/तनहूँ प्रहरीलाई फरार प्रतिवादी पक्राउमा अर्काे सफलता मिलेको छ । सोमबार विहान ज्यान मुद्दाका फरार प्रतिवादी साविक धरमपानी–९ का ४५ वर्षिय सागर परियार रहेका छन् । परियारलाई प्रहरीले १० वर्ष पछि पक्राउ गरेको हो । हाल व्यास नपा १ तालघरे बस्दै आएका परियार सहित बाबुराम परियार र सुविपरियारले २०६५ साल माघ ९ गते सोही ठाउँ बस्ने तिलबहादुर परियारलाई रडले हानेर घाइते बनाएका थिए । घाइते परियारको उपचारका क्रममा मणिपाल शिक्षण अस्पतालमा मृत्यु भएको थियो । अन्य दुइ प्रतिवादीलाई यस अघि नै विभिन्न समयमा पक्राउ गरिसकिएको तनहूँ प्रहरीले जनाएको छ ।