रुम टु रिड अन्तर्गत बालिका शिक्षा कार्यक्रम अन्तर्गत शिद्धेश्वरी बालक्लब सिद्धेश्वरी माविका बालबालिकाका लागि एक दिने तालिम सम्पन्न भएको छ ।
विहिबार विद्यालयमा आयोजित तालिममा सानो उमेरमा अर्थात छिटो विवाह गर्नाले हुने हानीका विषयमा सहभागीहरुलाई रुम टु रिडकी सहजकर्ता सिर्जना पाराजुलीले जानकारी गराएकी थिइन् । तालिममा सानो उमेरमा विवाह गर्दा पढाइ पूरा हुन नपाउने, अनिच्छा पूर्वक र छिटो गर्भाधान हुने, शिशुलाई जन्म दिँदा आमा र शिशु दुवैको ज्यान जोखिममा हुने तथा बालपनामा उनीहरुले गर्ने क्रियाकलाहरु जस्तै खेल्ने, रमाउने, पढ्ने काम गर्र्न नपाउने विषयमा छलफल गरिएको थियो । यसका सानो उमेरमा गरिएको विवाहको सम्बन्ध टिकाउन गाह्रो हुनसक्ने, घरका विभिन्न निर्णय प्रकियामा समहभागी हुन नपाउने जस्ता समस्या आउने बारेमा सहजकर्ता पराजुलीले जानकारी गराएकी थिइन् ।
तालिममा क्लबकी अध्यक्ष प्रशंसा पन्तले बालविवाहले भविष्यमा पछुतो हुने भएकाले बालविवाह नगर्न आफुले सबैलाई सचेत गराउने पहल गर्ने बताइन । तालिममा बालविवाहका कारणहरु र त्यसको न्यूनिकरणका विषयमा समेत सहभागी बालबालिकाहरुले छलफल गरेका थिए । उनीहरुले आफुहरुले पनि २० वर्ष अगाडी विवाह नगर्ने र साथीसंगीलाई पनि विहेवारी विस वर्ष पारी मात्र गर्न सुझाउने प्रतिवद्धता जनाएका थिए ।
तालिममा बालक्लबका १३ पदाधिकारी तथा सदस्य सहभागी भएका थिए ।
