सेरा/तनहुँको व्यास नगरपालिका वडा नम्बर ११ बोर्धन सेरामा रोट्रयाक्ट क्लबले शैक्षिक सामाग्री वितरण गरेको छ । स्वार्थ भन्दा माथि सेवा भन्ने नाराका साथ क्लबले सेराको श्री तातोपानी प्राथमिक विद्यालयका २६ जना विद्यार्थीहरुलाई उक्त शैक्षिक सामाग्री वितरण गरिएको हो । रोट्रयाक्ट क्लब अफ दमौलीले आफ्नो ट्विन क्लब रोट्रयाक्ट क्लब अफ मनोहरासँग सहकार्य गरि विद्यार्थीलाई स्विटर र झोलासंगै शैक्षिक सामाग्री वितरण गरेको हो । कार्यक्रमको अध्यक्षतामा रोट्रयाक्ट क्लब अफ दमौलीका अध्यक्ष विपिन श्रेष्ठ र रोट्रयाक्ट क्लब अफ मनोहराका अध्यक्ष बिपेन्द्र बस्नेतले संयुक्त रुपमा रहेका थिए ।
