दमौली/तनहुको व्यास १ स्थित बुद्ध दाहाल आधारभुत विद्यालयमा व्यास नगरपलिकाले जाडोमा लगाउने न्यानो कपडा वितरण गरेको छ । विहिबार नगरपालिकाको सहयोगमा नगरप्रमुख बैकुण्ठ न्यौपानेले सुस्त श्रवण शक्ति भएका बालबालिका अध्ययन गर्ने उक्त विद्यालयका ३५ जनालाई ज्याकेट, ट्रायक लगायतका न्यानो कपडा वितरण गरेका हुन् । सोही अवसरमा दमौली अस्पतालका डा. सुनिल पौडेल, व्यास नगर स्वास्थ्य संयोजक हरिश्चन्द्र न्यौपानेलगायतको टोलीले स्वास्थ्य परिक्षण तथा औषधी वितरण गरेको थियो । कार्यक्रममा नगरप्रमुख बैकुण्ठ न्यौपाने, विद्यालय व्यवस्थापन समितिका अध्यक्ष मणिजंग बस्नेत, वडाध्यक्ष खरसिं दरै, शिक्षक संघका नगर सभापति विरबहादुर बस्नेतलगायतले बोलेका थिए ।
