दमौली/वेद पुराणका रचयिता तथा ऋषि व्यासको १६ औँ अवतार वेदव्यासको अर्को ध्यान गुफा गल्वुवेशि क्षेत्रमा रहेको वताइएको छ । ध्यानाचार्य खेमराज अधिकारी ‘प्रकाश’ले बुधबार श्रावण पुरुषोत्तम मासको औँसि तिथिमा आयोजित विशेष हवन कार्यक्रमको समापन प्रवचनमा सो कुरा वताउनुभएको हो ।
सोहि क्षेत्रमा अवस्थित शिव पाञ्चायान मन्दिरको स्त्तरोन्नतीका लागि भोगाधिकार दिए पश्चात् वेद व्यास बैदिक धर्म अनुसन्धान प्रतिष्ठानद्धारा मन्दिरका सरोकारवालाहरु बीच आयोजित भेलामा प्रतिष्ठानका अध्यक्ष समेत रहनुभएका ध्यानाचार्य अधिकारीले सो कुरा वताउनुभएको हो ।
शास्त्रमा व्यास ऋषिको जन्म पश्चात् उत्तर र पुर्व दिशाको बीच अर्थात इशान तर्फ २ देखि ३ योजनको दुरीमा पनि व्यास ऋषिले ध्यान गर्नुभएको उल्लेख गरिएको चर्चा गदै उहाँले उक्त स्थान मन्दिर परिसरको जङ्गलमा रहेको र त्यहाँ आँफुले ध्यान गरेको चर्चा गर्दै उत्त स्थानमा ध्यान साधना गराएर प्रतिष्ठानले थुप्रै ध्यानी र ज्ञानी जन्माउने अभियानको थालनी गर्न लागेको उद्घोष गर्नुभयो ।
श्रावण पुरुषोत्तम मासको औँसि तिथिमा आयोजित विशेष हवन कार्यक्रम मार्फत् योग गुरु अधिकारीले उक्त घोषणा गरे पछि मन्दिर व्यवस्थापन समितिका अध्यक्ष दुर्गाभक्त अधिकारी, अकला टोल विकास संस्थका अध्यक्ष सोमनाथ पौडेल लगायतका स्थानियले प्रतिष्ठानले मन्दिर क्षेत्रको प्रर्वद्धन गर्ने भएकाले आँफुहरुले मन्दिर क्षेत्रको भोगाधिकार दिएको वताउनुभयो । त्यस्तै पत्रकार महासंघका अध्यक्ष उज्वल पौडेलले प्रतिष्ठानको योग साधना अभियानले व्यास क्षेत्रको महिमा वढ्नेमा जोड दिनुभयो । संस्थाका सचिव ज्ञानी शुकदेवले उक्त क्षेत्रमा १ सय ८ फुट अग्लो त्रिशुल, शनिको मुर्ति निर्माण गर्ने लगायतका योजनाहरु संस्थाको रहेको जानकारी दिनुभएको थियो ।
यसैबीच सोहि अवसरमा उपस्थित अतिथि तथा साधकहरुलाई ध्यानाचार्य अधिकारीले शरिरमा रहेका नकारात्मक शक्ति विसर्जन गर्ने र रोग विसर्जन गर्ने साधना प्रयोगात्मक रुपमा गर्नुभएको संस्थाका उपाध्यक्ष ज्ञानी चन्द्रले जानकारी दिनुभयो ।
उक्त क्षेत्रमा प्रतिष्ठानले विगत देखि नै होमन साधना तथा ध्यान साधना गराउँदै आएकोमा सरोकारवालाहरुले थप स्त्तरोन्नतीका लागि सहमति दिए पछि सो क्षेत्रको स्त्तरोन्नती र ध्यान साधनाको केन्द्रको रुपमा मन्दिर क्षेत्रलाई विकसित गरिने संस्थाका प्रवक्ता ज्ञानी कल्याण सुदीप काफ्लेले जानकारी दिनुभयो ।