गण्डकी प्रदेश सरकारले प्रदेश लोक सेवा आयोगको सदस्यमा तनहुँ स्थित आदिकवि भानुभक्त क्याम्पस दमौलीकी उपप्रमुख कल्पना लम्साललाई सिफारिस गरको छ । प्रदेश लोक सेवा आयोग ऐन, २०७६ को दफा ३(३) बमोजिम आयोगको अध्यक्ष र सदस्यको नियुक्तिका लागि मुख्यमन्त्री अध्यक्ष, प्रदेशसभाको सभामुख र विपक्षी दलका नेता सदस्य रहने व्यवस्था छ । जसमा मुख्यमन्त्री पृथ्वीसुव्वा गुरुङ अधयक्ष तथा सदस्यमा सभामुख नेत्रनाथ अधिकारी र विपक्षी दलका नेता कृष्णचन्द्र नेपाली थिए । ३ सदस्यीय समितिले आयोग अध्यक्ष र सदस्यको नियुक्तिको सिफारिस गर्दा कम्तीमा १ जना महिला सहित बढीमा ३ सदस्य सिफारिस गर्न सक्नेछ ।समितिको सिफारिसमा प्रदेश प्रमुख अमिक शेरचनले आयोगअध्यक्ष र सदस्यको नियुक्त गर्नेछन् । अध्यक्षको शपथ प्रदेश प्रमुखको उपस्थितिमा उच्च अदालतका मुख्य न्यायाधीश समक्ष र सदस्यले अध्यक्ष समक्ष शपथ लिने छन्