तीन मुक्तक

एक
दुखले बनाएको थियो घर पहिरोले लग्यो यो साल ।
तिजमा आउदिन आमा बाढीले पुल बग्यो यो साल ।।
पराइ घरमा रमाउनलाइ भर्खर सिक्दै थिए आफै ।
परिवारनै बिचल्लि भयो भाग्यले ठग्यो यो साल ।।
दुई
यहाँ भाव रुचाउने कुन छ शब्दहरुको ।
गहिराई पुगेको जुन छ, शब्दहरुको ।।
कुनैले सितलता दिन्छ कुनैले मन जलाउँछ,
यस्तो लाग्छ आफ्नै तापक्रम हुन्छ शब्दहरुको ।।
तीन
नारीलाई हेप्नेसंग लड्ने कानुन चाहियो ।
छोरा जस्तै राम्रो स्कुल पढ्ने कानुन चाहियो ।।
आज एउटी लुटिइन रे भोली हाम्रो पालो आउला,
बलात्कारी नराधम सूलि चढ्ने कानुन चाहियो ।।