Tanahun Awaj
समाचार

अस्पतालको आडैमा महोत्सव !

दमौली/छैटौ आदिवासी जनजाति सांस्कृतिक महोत्सव पुष २४ देखि माघ ५ गतेसम्म सञ्चालन हुने भएको छ । आयोजक नेपाल आदिवासी जनजाति महासंघ, जिल्ला समन्वय परिषद तनहुँका अुनसार सांस्कृतिक संरक्षणः लोपोन्मुख भाषा, लिपि, संस्कार र संस्कृतिलाई एउटै थलोमा प्रदर्शन गर्ने उद्देश्यले महोत्सव आयोजना गर्न लागिएको हो । महोत्सवबाट बचेको रकम व्यास नपा–१२, कमलबारीस्थित भानु–घाँसीग्राम भित्र बन्ने ’खुला जीवन्त सांस्कृतिक संग्रहालय’ निर्माणमा खर्च गरिने छ ।

बीपी वनवाटिका खेल मैदानमा आयोजना गर्न लागिएको महोत्सव खेल प्रेमी युवाहरुको चर्काे विरोध पछि दमौली अस्पतालको आडमा रहेको खुल्ला मैदानमा हुने भएको हो । अस्पतालको आडमा महोत्सव गर्न लागिएपछि आम नागरिकमा बहस प्रारम्भ भएको छ । अस्पतालको आडमा अनि घना वस्तीको बीचमा महोत्सव गर्न लागिएको भन्दै बहसमा आयोजकहरु बिरामीहरुका प्रति असंवेदनशील भएको भन्ने कोणबाट विचार व्यक्त हुन थालेका छन् ।
सामान्यतया मानव कानका लागि ७० डेसिबलभन्दा बढीको ध्वनी हानिकारक मानिन्छ । विश्व स्वास्थ्य संगठनका अनुसार अस्पताल क्षेत्रमा दिउँसो ५० डेसिबलभन्दा कमको तथा आवासीय क्षेत्रमा दिउँसो ५५ डेसिबलसम्मको ध्वनी उपयुक्त मानिन्छ ।
नेपालमा आयोजना हुने मेला महोत्सवमा अक्सर १०० देखि १२० डेसिबलसम्मको आवाज बजाउने गरिन्छ । ५० डेसिबलभन्दा कम आवाजमा बस्नु पर्ने विरामी अनि ५५ डेसिबलको ध्वनीमा वस्नुपर्ने आवासीय क्षेत्रका वासिन्दाको अवस्था १२० डेसिबलको आवाजमा बस्नुपर्दा अवश्य सहज हुनेछैन ।
मेला महोत्सवको आयोजनाले अर्थतन्त्र चलायमान हुने मात्र होइन स्थानीय र राष्ट्रिय प्रतिभाले प्रस्फुटित हुने मौका पाउँछन् । स्थानीय उत्पादनले बजार पाउँछन् । हाम्रो सभ्यता, संस्कृति, परम्परा, रैथाने ज्ञान र उद्यमशीलताको प्रचार प्रसार र प्रवद्र्धन हुन्छ । तर मानव स्वास्थ्यमा नकारात्मक असर नपर्ने, मानिसलाई आवत जावतमा अवरोध नहुने स्थानलाई महोत्सव स्थल बनाउनु उपयुक्त हुन्छ ।
आडैमा अस्पताल भएको र त्यहाँ मुटु लगाएतका संवेदनशील रोगका विरामी उपचाररत हुन सक्ने तथा नजिकै घना वस्ती भएकोले उनीहरुलाई समेत नकारात्मक असर पर्ने तर्फ आयोजक संस्थाको ध्यान नपुगको हो कि ?

Related posts

राधा माविलाई लगातार तेस्रो उपाधि

admin

धार्मिक पर्यटकीय गन्तब्य पहिचान सहित पत्रकार अन्तरक्रियामा प्रेस रजिष्टारको कार्यालय

Deepak Joshi

जेठ दुइ गते तनहुँ बारको २१औं अधिवेशनअध्यक्षको आकाँक्षी पाँच भन्दा धेरै, पद एक

admin