कोटदरवार/नेपाल रेडक्रस सोसाईटी कोटदरवार उपशाखाले अग्नि पीडितलाइ नगद तथा अतिआवश्यक सामाग्री सहयोग गरेको छ । आफ्नो अधिवेशनको अवसरमा मंगलबार सो सहयोग अग्नी पीडित शनिसरा आले मार्फत परिवारलाइ हस्तान्तरण गरेको हो । उपशाखाले ४२ जना मनका धनी दाताहरुको समेत जनही पन्ध्र सयदेखि पन्ध्र हजारसम्म दान जुटाएर एकमुष्ठ एक लाख एकाउन्न हजार भन्दा बढी आर्थिक तथा जीन्सि सहयोग हस्तान्तरण गरेको कोटदरबारबाट उपशाखा सभापति इन्द्रबहादुर आलेले बताउनु भयो । सो रकममा दुई एक पचास रुपयाँ बराबरको भाँडाकुडा खरिद गरेर दिइएको थियो ।