दमौली/तनहुँमा नौ सय ७४ जनामा डेँगु संक्रमण देखिएको छ । पालिकागत रुपमा गरिएको सर्वेक्षणबाट आँबुखैरेनी गाउँ पालिकामा धेरै डेँगु संक्रमित भेटिएको स्वास्थ्य कार्यलय तनहुँले जनाएको छ ।
तनहुँका दश पालिका मध्ये बुधबारसम्म आँबुखैरेनी गाउँपालिकामा सात सय २९, शुक्लागण्डकी न.पा.मा एक सय २४, व्यास न.पा.मा ७६, बन्दिपुर गाउँपालिकामा ४२, भिमाद नगरपालिकामा तीन र अन्य पाँच पालिकामा शुन्य संक्रमित रहेको स्वास्थ्य कार्यलय तनहुँका परिवार योजना सुपरभाईजर सुदिप कँडेलद्वारा प्रेषित सूचनामा जनाइएको छ ।