दमौली/व्यास नगरपालिकाको मेयर पद कानुन कठघरको दौडमा छ । विगत दुई बर्ष देखिको कानुनी लडाई उच्च अदालत पोखराबाट सर्वोच्च पुगेर फेरी फर्केर उच्चमा पनि पुगेको छ ।
मेयर पदका उपविजेता दीपकराज जोशीको निवेदन माग बमोजिम पुनः मतगणना असार २ गते दश बजेबाट हुने भएपछि पदबहाली गरेका मेयर बैकुण्ठनाथ न्यौपाने पुनः मतगणनालाई रोक्न सर्वोच्च पुगे ।
त्यहाँबाट पुनः मतगणना रोक्ने आदेश जारी गराउन नभ्याएपछि उच्च अदालतमा नै पुगेर बुधबार निवेदन दर्ता गराएको अदालत स्रोतले बतायो । अदालत स्रोतका अनुसार पुरक पेशीमा चढी विहिबार उच्च अदालत पोखरामा सुनवाई हुँदैछ ।