दमौली/दमौली अस्पतालले २०८१ साल बैशाख ६ गतेबाट सेवा समय विस्तार गरेको छ । छ घण्टाको सेवालाई १२ घण्टा प्रदान गर्ने गरी सेवा समय विस्तार गरिएको छ । दमौली अस्पताल प्रशासन शाखाबाट बैशाख तीन गते जारी सूचना अनुसार विहिबार विहान ७ बजेदेखि साँझ सात बजेसम्म स्वास्थ्य सेवा सुचारु गर्ने जनाएको छ । दश बजे अगाडि र पाँच बजेपछिको विशेष समयमा सेवा प्रदान गरेवापत अस्पतालले अतिरिक्त शुल्क नलिने गरी सेवा विस्तार गरिएको सूचनामा जनाइएको छ । त्यसै गरी विमितहरुले समेत सेवा लिन सक्नेछन् । यो सेवा समय विस्तारले कर्मचारी, विद्यार्थी, व्यापारी र ज्याला मजदुरी गर्ने श्रमिकहरुलाई सरकारी स्वास्थ्य सेवा लिने सुविधा मिलेको छ भने अर्को तर्फ दिउसोमा हुने भिडभाडलाई कम गर्ने विश्वास लिईएको छ । नियमित चेकजाँच गर्नुपर्ने सुगर, प्रेसर, थाईराइड लगायतका विमारका विरामीहरुलाई यो अतिरिक्त समयमा प्रदान गरिने सेवाले विशेष लाभान्वित तुल्याउने विश्वास लिईएको छ ।