तनहुँबाटै महाअभियानको नेतृत्व

दमौली/नेपाललाई हिन्दुराष्ट्र घोषणा गराउन महाअभियान नै थालिने भएको छ । त्यसको नेतृत्व गर्ने अवसर पनि प्रारम्भदेखि हिन्दुराष्ट्रको पक्षमा रहेका नेपाली काँग्रेका नेता स्व.खुमबहादुर खड्का निकटका काँग्रेस नेता शंकर भण्डारीले गर्ने भएका छन् । नेपालमा हिन्दु राष्ट्र स्थापनाको महाअभियान सञ्चालन गर्ने सल्लाह र सुझाव संविधानविद् तथा पूर्वसभामुख दमननाथ ढुंगाना समेतबाट प्राप्त भएपछि यो महाअभियानको घोषणा गरिएको हो । महाअधियान सञ्चालनका लागि हाललाई संयोजक मात्रै तोकिएको छ । कार्यसमिति बनाउन बाँकी छ । नेपाली काँग्रेसको एउटा समूह महाअधियानमा लागेसंगै संवैधानिक राजतन्त्रको पक्षमा वातावरण बन्दै गएको अनुमान लगाउन सकिन्छ ।