भूकम्पीय सुरक्षा जनचेतना सभा

दमौली/व्यास नगरपालिकाले दमौलीमा एक दिवसीय भूकम्पीय सुरक्षा जनचेतना सभा मंगलबार सम्पन्न गरेको छ । २६औं भूकम्प सुरक्षा दिवसको सन्दर्भमा आयोजित जनचेतना सभामा आफू बस्ने घर निर्माण गर्दा प्राविधिकबाट नक्सा बनाएर पास गराएर बनाउँदा सुरक्षाप्रत्याभूति पाउन सकिने सन्देश प्रवाह गरिएको
थियो । भवन निर्माण गर्दा भवन निर्माण आचार संहिताको पालन गर्नु आमनगरवासीको कर्तब्य हो भन्ने सन्देशलाई प्रभावकारी ढंगबाट प्रवाहित गरिएको थियो । यसैगरी सभामा भूकम्प प्रतिरोधी घरको फाईदा, भूकम्प आएपछि जोगिने उपायका बारेमा जानकारी गराएको थियो । साथै जनचेतना सभामा सहभागिहरुलाई तयार पारिएको प्रतिबद्धता पत्रमा हस्ताक्षर गर्न लगाइएको थियो । त्यो प्रतिबद्धता पत्रमा भूकम्पीय जोखिममा सुरक्षित हुने उपायहरु सिक्नेछु, सिकाउनेछु, भूकम्पीय प्रतिरोधी घर बनाउने छु जस्ता सवालहरु थिए ।