सिद्धेश्वरी मावि
व्यास १२ कमलबारी
संसारको सृष्टिलाई जोगाउने नारी
प्रसव पिडा सहेर रगत बगाउने नारी
मैनवत्ती झैं बली आँसु धारा चुहाउँदै
संसारलाई उज्यालो गराउने नारी
सन्तानको पेट भर्न आफु भोकै वस्ने
सुन्दर संसार बनाउन सधैं कम्मर कस्ने
अन्याय र अत्याचारलाई अंगालोमा हाली
हजार पिडा सहेर हाँस्छन् विवस नारी
जन्मै नपाइ कोखबाट मारिन्छन् कति नारी
अलिकति ठूला भए दासी बन्छन् नारी
नारी दिवस भनि एक सय तेह्र मनाउँदै गर्दा
देशमा कुनै चासो छैन बलात्कारले नारी मर्दा
छाउपडी र दाइजो प्रथाले घुम्टो ओडेकै छ
जती नारा लाएपनि महिला हिंसा बढेकै छ ।
नारी हकले संविधानका पाना भरिए पनि
महिला उत्थान संस्था देशै भरी छरिएपनि
बलत्कारी घटनाको हेडलाइन बन्छ जहिले
निर्मला जस्ता बालिकाले न्याय पाउँछन् कहिले ?
क्यालारा जेटकिन जस्तै हामी नारी जाग्नुपर्छ
समाजको महिला हिंसा जरै देखि भाग्नुपर्छ ।