ज्ञान आर्जन गर्ने भोकः व्यास नगरपालिका वडा नं १२ गोल्ला बस्ने ५६ वर्षिय ऋषिमाया आले स्थानीय सिद्धेश्वरी माध्यमिक विद्यालयको कक्षा ५ मा अध्ययन गर्दै । अनौपचारिक शिक्षाका कक्षामा अंक अक्षर चिन्ने मौका पाएकी आले पढाईको महत्व बुझेकीले विद्यालय भर्ना भएर पढ्न लागेको बताउँछिन् । अंग्रेजी विषयमा अध्यापन गरिने विषय कठिन लागेपनि उनीमा विस्तारै सिक्न सक्छु भन्ने आत्मविश्वास छ । उनी भन्छिन्, नाती नातीनाका उमेरका बालबालिकासंग पढ्दा रमाइलो भएको छ ।