मैदान अनि चौतारी सब सुनसान छ फर्क युवा ।
मान्छेमान्छेमै लुछाचुडी हानाहान छ फर्क युवा ।।
तिमी छदा मेलापात भारापर्म सबथोक चल्थ्यो,
मुग्लानपस्यौ खेतबारीमै मकैधान छ फर्क युवा ।
जन्तीअनि मलामजाने युवाछैनन् अचेलगाऊमा,
बुढापाका सबमा तिम्रो गुणगान छ फर्क युवा ।
थला पर्यो ढिकीजातो दमका रोगी आमा सगै,
सबका सामू समय नै बलवान छ फर्क युवा ।
चाडवाडमा चहलपहल भट्टिहोटल ऊस्तै हुन्न,
कतिपिऊछौ रोजीछाडी तानातान छ फर्क युवा ।