पाँचौ अल्ट्रा म्याराथनको विजेता सुनुवार

दमौली/पाँचौ अल्ट्रा म्याराथनको विजेता नेपाली सेनाका वेदबहादुर सुनुवार भएका छन् । व्यास नगरपालिकाले फागुन २८ गते आयोजना गरेको व्यास–५ मानुङदेखि व्यास–८ पुलिमराङसम्मको ४४ किलोमिटर दुरी दुईघण्टा ५८ मिनटमा पार गरेर सुनुवार विजेता बनेका हुन् । तनहुँको मानुङ र पुलिमराङको ऐतिहासिक महत्व झल्काउँदै पर्यटनको प्रबद्र्धन गर्न पाँचौ अल्ट्रा म्याराथान सार्थक रहने विश्वास आयोजकले गरेको छ ।