व्यासमा कर व्यवस्थापन सहजीकरण समिति

व्यास नगरपालिकाले आय स्रोतको खोजी गर्दै कर व्यवस्थापन सहजीकरण समिति गठन गरेको छ । व्यास नगरपालिका वडा नं. २ का वडाध्यक्ष काशीराम श्रेष्ठको अध्यक्षतामा आईतवार गठन भएको कर व्यवस्थापन सहजीकरण समितिमा व्यास–१ का वडाध्यक्ष खरसिं दरै, वडा नं. ३ का वडाध्यक्ष प्रेमकुमार श्रेष्ठ, वडा नं. ४ का वडाध्यक्ष विश्व न्यौपाने, कार्यकारिणी सदस्य कल्पना पोख्रेल, दमौली बजार इकाई प्रतिनिधि समेत रहेका छन् । सो समितिको सदस्य सचिवमा राजश्व शाखाका अर्जुन श्रेष्ठ रहेका छन् । आईतवार नगरप्रमुख वैकुण्ठ न्यौपानेको अध्यक्षतामा बसेको बैठकले सो निर्णय गरेको थियो ।