दमौली/नेपाली काँग्रेसका नेता गोविन्दराज जोशी मंसिर १२ गतेबाट दोस्रो चरणको मतदाता भेटघाट तथा अन्तरक्रिया कार्यक्रममा तनहुँमा व्यस्त देखिएका छन् । गाउँगाउँ पुगेका जोशीलाई मतदाताहरुले अभिभावक विहिन भयौं, अब तपाईले चुनाव लड्न प¥यो, हामी भोट दिन्छौं भनेर भनि रहेका भिडियोहरु सामाजिक सञ्जालमा प्रसस्त देख्न पाईन्छ । रोजगारी दिलाई दिने जोशी, विकास गरिदिने जोशी, मागेर भन्दा छिटो देखेर विकास गरिदिने जोशी । प्रत्यक्ष साक्षात्कारमा मतदाताहरुले जोशीका अगाडि कहेका काहानी हुन यी । दोस्रो चरणको झण्डै दुई हप्ताको मतदाता भेटघाट कार्यक्रम २५ गते सम्म रहने भ्रमण दलका सदस्य हरिशरण पण्डितले बताए ।
घाँसीकुवाको देउरालीबाट शुरु गरेको दोस्रो चरणको मतदाता भेटघाट कार्यक्रम बुधबारसम्म दरै पँधेरा, निर्वु, दुम्सीचौर, बराहखोलासम्म पुरा भैसकेको छ ।
विहिबार गजौडेका मतदातासंग भेटघाट गर्ने कार्यक्रम रहेको भ्रमण दलका सदस्य शुकुमलाल गुरुङ्गले बताए ।
