क्वालालम्पुर/मलेसियाका लागि नेपाली राजदूत डिल्लीराज पौडेलले मलेसियासंग सम्बन्ध सुधारमा सक्रियता बढाउनु भएको छ । मलेससियाबाट राजदूत पौडेलले तनहुँ आवाजको मेलमार्फत दिनुभएको सुचना अनुसार राजदूतले मेलेसियामा उच्चस्तरीय भेटवार्ता पछि नेपाल र मलेसिया बीच रहिआएको द्विपक्षीय सम्बन्ध विस्तार र अपसीहीतका विषयमा छलफल भएको जानकारी दिनुभएको छ । विशेषतः राजदूत पौडेलले मलेसियाका गृहमन्त्री सैफुद्दिन नासुसन इस्माइल र मानव संशाधनमन्त्री भी. शिवकुमारसँग छुट्टाछुट्टै भेटवार्ता गर्नुभएको थियोे ।
भेटका अवसरमा नेपाली युवाका लागि आकर्षक श्रम गन्तव्य रहेको मलेसियामा संख्यात्मकसँगै गुणात्मक वृद्धि कसरी गर्ने भन्नेबारे विचारबिमर्स भएको थियो । नेपाली श्रमिकहरु शून्य लागतमा जाने व्यवस्थाको कार्यन्वयन गर्ने विषयमा सार्थक छलफल भएको थियो । मलेसियामा नेपाली श्रमिकका लागि प्राप्त हुन सक्ने थप रोजगारीका अवसर र कार्यरत नेपाली श्रमिकको सेवा सुविधाबारे पनि चासो व्यक्त गरिएको थियो । छलफलमा दुईपक्षीय, क्षेत्रीय तथा वहुपक्षीय स्तरमा पारस्परिक हितका विषयमा साझेदारी गर्दै दुवै मुलुकको राष्ट्रिय हित प्रवर्द्धन गर्न एक अर्कालाई सहयोग गर्दै अघी वढ्ने बारेमा छलफल भएको राजदूत पौडेलले बताउनु भयो ।
गृहमन्त्री इस्माइलसँग निकट भविष्यमा उहाँको नेतृत्वमा हुने उच्चस्तरीय नेपाल भ्रमणबारे कुराकानी भएको थियो । भ्रमणका क्रममा मलेसियाको ’फरेन वर्कर इम्प्लोइमेन्ट रिल्याक्सेशन प्लान’ बारे गृहमन्त्री इस्माइलले नेपाली अधिकारीहरुसँग छलफल गर्नुहुनेछ