इन्जिनियर बन्न लाइसेन्स

दमौली/नेपालमा अब इन्जिनियर बनेर पेशा गर्नका लागि लाईसेन्स लिनु पर्ने गरी कानुनी व्यवस्था गरिएको छ । विषयगत इन्जिनियरिङ्ग विषयमा स्नातक पास गरी सकेपछि निर्धारित कोर्षको परिक्षा पास गरेर मात्र लाईसेन्स पाईने व्यवस्था नेपाल सरकारले गरेको छ ।
नेपाल इन्जिनियरिङ परिषद् ऐन, ०५५ संशोधन गर्न बनेको विधेयक संघीय संसदबाट पारित भएसंगै अब नेपालमा इन्जिनियरको सेवा प्रदान गर्नका लागि लाईसेन्स लिनु पर्ने व्यवस्था भएको हो ।
वकिल, चिकित्सक, नर्स, शिक्षक जस्तै इन्जिनियरहरुले लाइसेन्स परीक्षा उतीर्ण गरेपछि मात्रै नेपाल इन्जिनियरिङ परिषदबाट लाइसेन्स पाउने गरी विधेयकमा व्यवस्था गरिएको छ । लाईसेन्स लिएपछि मात्रै इन्जिनियरको रुपमा परामर्श तथा सेवा प्रदान गर्ने गरी पेशा गर्न पाईने व्यवस्था गरिएको छ ।