बढ्दै कोरोना

दमौली/नेपाली समूदायको महत्वपूर्ण पर्व दशैं नजिकिँदै गर्दा देशमा कोरोना संक्रमणको अवस्था भने बढ्दो छ ।
पछिल्लो २४ घण्टामा दुइहजार ६ सय ३८ नयाँ संक्रमित थपिएका छन् भने दुई हजार एक सय ७४ जना संक्रमण मुक्त भएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी गराएका छन् । पछिल्लो २४ घण्टामा कोरोना संक्रमणका कारण १२ जनाले ज्यान गुमाएका मन्त्रालयले जनाएको छ ।
यो साता संक्रमण तथा मृत्युका हिसाबले हालसम्मकै उच्च रह्यो । शनिबार हालसम्मकै सबैभन्दा धेरै पाँच हजार ८ जना नयाँ संक्रमित देखिए भने आइतबार सबैभन्दा धेरै २२ जनाले ज्यान गुमाए । विहिबार सबैभन्दा धेरै दुइहजार छ सय ७५ जना संक्रमण मुक्त भए । तर यो हालसम्मको उच्च संख्या भने होइन ।
यसअघि गतसाता बुधबार तीन हजार चारसय ३९ जना एकैदिन संक्रमण मुक्त भएका थिए ।
यो साता २३ हजार ७ सय ४३ संक्रमित थपिए । संक्रमण मुक्त हुनेको संख्या १२ हजार २ सय ८६ रह्यो । ९७ जनाले कोरोना संक्रमणका कारण यो साता ज्यान गुमाए । ११ हजार ३ सय ६० सक्रिय संक्रमित थपिएका छन् ।