शीर्षकमा भनिए जस्तै “सूनिश्चित बाल अधिकार, समृद्ध नेपालको आधार” भन्ने नारका साथ हिजो नेपालमा अन्तर्राष्ट्रिय बाल अधिकार दिवस मनाइयो । आज भन्दा ठिक ३० वर्ष अगाडि हिजोकै दिन संयुक्त राष्ट्र संघबाट बाल अधिकार सम्बन्धी महासन्धी पारित भएको थियो । त्यसैले संसार भरका बालबालिकाका लागि नोभेम्बर २० तरिख महत्वको दिन हो । किनभने यहि दिन संसारका बालबालिकाको अधिकार सूनिश्चित गर्ने गरी संसारका देशहरुले प्रतिवद्धता गर्दै हस्ताक्षर गरेको दिन । बालबचाऊ, बाल संरक्षण, बाल विकास, बाल सहभागिता गरी चार स्तम्भमा विभाजित बाल अधिकार प्रदान गर्न पक्ष राष्ट्र भएका नाताले हरेक राज्य जिम्मेबार भएर लाग्नु पर्छ । र नेपालबाट पनि हामीले अपेक्षा गर्ने यही हो ।
वास्तवमा बाल अधिकार भनेको बाल बालिकाले स्वस्थ्य भएर बाँच्न पाउनु, सर्वाङ्गिण विकास गर्न पाउनु, खुसी हुन पाउनु, नभई नहुने न्यूनतम आवश्यकताहरु पूरा गर्न पाउनु हो । अभिभावक र राज्यले बालबालिकाले ति अधिकार निर्वाध उपभोग गर्ने वातवरण निर्माण गर्नुपर्छ । बालबालिका माथि भनिएका अधिकार सुरक्षित हुन सक्दा मात्र देशले भविष्यका लागि असल र सक्षम नागरिक प्राप्त गर्नसक्छ । र हामीले देखेको समृद्धि सपनाले आकार ग्रहण गर्नसक्छ ।
बालबालिकालाई कस्तो बनाउने भन्ने कुरा बाबु आमाको हातमा हुन्छ, धेरै हदसम्म । त्यसैले हरेक आमा बाबुले आफ्ना बच्चाका कुरा सुन्नु र उनीहरुका दैनन्दिनीबारे जानकारी राख्नु जरुरी छ । खुलेर सपना देख्नेर त्यो सपनालाई आकारमा ढाल्ने ल्याकत राख्ने बालबालिका बनाउन हामीले उनीहरुलाई कुनै किसिमको हानीबाट सुरक्षित तुल्याउनु छ । प्रत्येक बालबालिकालाई विद्यालय पु¥याउनु छ । अनिमात्र हामीले उनीहरुका लागि सुन्दर संसार निर्माण गरेको ठहर्छ । शीर्षकमा भनिए झै नेपाललाई समृद्ध बनाउने हो भने हामीले बालबालिकाको अधिकार सूनिश्चित गर्नैपर्छ र यसका लागि राज्य र हामी अभिभावक दुबैको संयुक्त प्रयास जरुरी हुन्छ ।