दमौली/नेपाल पत्रकार महासंघ तनहुँ शाखाकाे पहलमा क्रियाशिल पत्रकार सबिन लामिछानेलाई धम्क्याउने सवारी चालक तथा धनीले घरमै पुगेर माफी मागेपछि बुधबार साँझ मिलापत्र भएको छ ।
नेपाल पत्रकार महासंघ तनहुँ शाखाका सभापति उज्वल पौडेलले दिएको जानकारी अनुसार पत्रकार सबिन लामिछानेले तनहुँको व्यास–६ सिन्धु मार्गमा चल्ने ग १ ज ७५०५नं को सवारी साधनले क्षमता भन्दा बढि यात्रु बोकेको फोटो समाचार माध्यममा राखेका थिए । त्यो फोटोलाई आधार मानि तनहुँ ट्राफिकले कारवाहि चलाएपछि सवारी चालक तथा धनिले लामिछानेको घरमा पुगि बाबुआमा र उनलाई धम्की दिएपछि लामिछाने परिवारले जिल्ला प्रशासन कार्यलयमा ज्युधनको सुरक्षको माग गर्दै निवेदन दिएका थिए । महासंघ तनहुँले एक विज्ञप्ती जारि गर्दै सो घटनाप्रति खेद प्रकट गर्दै दोषीलाई कारवाहिको माग गरेको थियो ।