जोशीको थप उपचार दिल्लीमा

दमौली/स्थानिय निर्वाचनमा व्यास नगरपालिकाका मेयर उम्मेदवार दिपकराज जोशीको टाउकोमा लागेको चोटको रिर्पोटका आधारमा थप उपचारको लागि दिल्ली लगिएको
छ । दिल्ली स्थित मेदान्त अस्पतालमा उनको उपचार भइरहेको बताइएको छ ।
उपचारको केहि रिपोर्ट भारतबाट आउने भनिएको
थियो । रिपोर्ट आयो तर उनको टाउकोमा लागेको चोटको काठमाण्डौंमा उपचार नहुने भएकाले जोशीलाई भारत लगिन लागेको उनको सचिवालयले बताएको छ ।
बैसाख ३० गते व्यास–८ रिस्ती मतदान केन्द्रको निरिक्षणका क्रममा पुग्दा बुथ क्याप्चरमा सम्लग्न समूहले जोशीको टाउको पर्खालको छपनीले प्रहार गरेका थिए । आक्रमणमा परि टाउकोमा चोट लागेका उनको उपचार दमौली, पोखरा हुँदै काठमाण्डौंमा पनि भएको थियो ।