दमौली/तनहुँमा जेठ १५ सम्म सरकारी तर्फबाट सञ्चालित बजेट फ्रिज भएर जाने योजना तथा आयोजना बाहेक अन्य नीजि क्षेत्रमा हुने निर्माण सम्बन्धि कार्यहरु स्थगित भएको छ ।
जिल्ला कोभिड–१९ संकट व्यवस्थापन केन्द्र तनहुँको मंगलबार बसेको बैठकले अक्सिजन आफूर्तिका लागि आवश्यक परिमाण पहिचान गर्न सक्ने प्राविधिक सिफारिस गर्न दमौली अस्पतालका मेडिकल सुपरिटेण्डेण्ट र गिरिजाप्रसाद कोईराला स्वासप्रश्वास केन्द्रका मेडिकल सुपरिटेण्डेण्टको सिफारिसका आधारमा जिल्ला प्रशासन कार्यालयबाट अक्सिजन उपलब्ध गराउने व्यवस्था मिलाईएको छ ।
मंगलबार केन्द्रको बैठकको निर्णयका आधारमा प्रमुख जिल्ला अधिकारी सागर आचार्यले आदेश जारी गर्दै यदि कोहि कसैबाट आदेशको उल्लंघन भएमा संक्रामक रोग ऐन २०२० तथा स्थानीय प्रशासन ऐन २०२८ बमोजिम कारवाही हुने व्यहोरा समेत उल्लेख गरेका छन् ।
आदेशमा जिल्ला कोभिड–१९ संकट व्यवस्थापन केन्द्रको जेठ ४ को सिफारिसको आधारमा जिल्लाभर यस्तो निषेधाज्ञा जारी गरिएको उल्लेख छ । जारी आदेशले निर्माण क्षेत्रमा दैनिक ज्याला मजदुरी गर्ने कामदारहरुलाई भने समस्यामा पार्ने भएको छ ।
previous post