सातामा दशहजार संक्रमित

यो साता कोरोना संक्रमितको संख्यामा उल्लेख्य वृद्धि भएको छ । स्वास्थ्य तथा जनसंख्या मन्त्रालको तथ्याङ्क अनुसार गत विहिबारबाट हिजो बुधबारसम्मका देशभर १० हजार १३ कोरोना संक्रमित थपिएका छन् । गत साता यसै अवधिका थपिने संक्रमितको संख्या ९ हजार ४ सय ७७ थियो ।
यसैगरी गत साताको यो अवधिमा ८ हजार २ सय ४८ संक्रमण मुक्त भएका थिय भने यो साता ६ हजार ४ सय ६४ जना संक्रमण मुक्त भएका छन् । मृत्यु हुनेको संख्या पनि अघिल्लो साताको तुलनामा यो साता बढी छ । अघिल्लो साता यही अवधीमा कोरोना संक्रमणका कारण ५७ जनाको ज्यान गएकोमा यो साता ६२ जनाको ज्यान गएको छ ।यो साता ३ हजार ४ सय ७५ महिला र ६ हजार ५ सय ३८ पुरुष गरी १० हजार १३ नयाँ संक्रमित थपिएका हुन् । यसैसाता १६ महिला तथा ४६ पुरुष गरी ६२ जनाले ज्यान गुमाएका हुन् ।