गजौडे/भानु नगरपालिका वडा नंं. ९ ले बुधबार आफ्नै कार्यालयमा २० जना ज्येष्ठ नागरिकलाई सम्मान गरेको छ । डिसेम्बर दशका दिनमा परेको मानव अधिकार दिवसका दिन सम्मान गर्ने भनेर तय गरिएको ज्येष्ठ नागरिक सम्मान कार्यक्रम वडामा शोक परेका कारण स्थगित गरिएको थियो ।
बुधबार सबभन्दा धेरै उमेर ९३ बर्षका बुद्धिबहादुर गोदार र कमउमेर ८३ बर्षकी बालकुमारी खनाल सहित सो उमेर समूहमा पर्ने २० जनालाई वडाले सम्मान गरेको हो । सम्मानित २० जना ज्येष्ठ नागरिकलाई जनही एक हजार नगद सहित दोसल्ला र सम्मान पत्रले सम्मान गरिएको गजौडेबाट तनहुँ आवाजका सम्वाददाता बाबुराम खनालले बताउनु भयो ।