पीपला ढुङ्गाना
मुटुभित्र दुखाउने घाउ त्यो पुरानै
दुखाएरै जाने उसको दाउ त्यो पुरानै !!
विर्सन त खोजेँ तर भनेजस्तो कहाँ
डुबाउने जिन्दगीको तलाउ त्यो पुरानै !!
तिर्नु थियो थोरै ऋण जीवन बाँच्ने सिकाइको
लिलामी नै गर्यो आखिर साहु त्यो पुरानै !!
फर्कन्छु लौ भन्छु र नि किन तान्छ यो सहरले
बिर्साएर आफ्नो प्यारो गाउँ त्यो पुरानै !!
मेट्छु मेट्छु भने पनि मर्नु गाह्रो हुने रैछ
निकाल्नलाई अन्तरमनको छाउ त्यो पुरानै !!
साभार : रातो पाटी