Tanahun Awaj
Uncategorized

भानुमा विश्व एकल महिला दिवस मनाइयो

पोखरीछाप एकल महिला समाज भानु–१३ ले विश्व एकल महिला दिवस मनाएको छ । समाजले आफ्ना सदस्यहरुका लागि मेच घुमाई प्रतियोगिता गरेर उक्त दिवस मनाएको हो । समाजकी अध्यक्ष मधुमायाँ बानियाको अध्यक्षतामा आयोजित प्रतियोगितामा कुमारी विक प्रथम, डलिमाया गुरुङ द्वितीय तथा हरिमाया गुरुङ तृतीय भएका थिए । प्रतियोगितमा विजयी प्रतियोगीहरुलाई प्रमुख अतिथी व्यास नपाकी कार्यपालिका सदस्य सुनसरी गरुङले पुरस्कार वितरण गरेकी थिइन । नेपाल रेडक्रस सोसाइटी कलेस्ती उपशाखाले प्रायोजन गरेको पुरस्कार वितरण गर्दे प्रमुख अतिथी गरुङले एकल महिला माथि अझै पनि विभेद हुने गरेको भन्दै यस्तो विभेद हटाउनु पर्ने उल्लेख गरिन् ।
कार्यक्रममा महिला सञ्जालकी अध्यक्ष सिता पौडेल, वडा सदस्य शान्ता मौरती, मनु खड्का, सइत मियाँ, गिता अधिकारी, कल्पना थापा तथा विष्णु अधिकारी लगाएतले एकल महिलामाथि हुने अनेकौं दुव्र्यवहारका घटना उल्लेख गर्दै यस्ता घटना आगामि दिनमा हुन नहुने बताए । नेरेसो कलेस्ती उपशाखा सभापति बाबुराम खनालले दिवसको महत्वबारे बताएको प्रतियोगितामा २२ एकल महिलाको सहभागिता रहेको थियो । हरेक वर्ष जुन २३ तारिखमा विश्वभर एकल महिला दिवस मनाउने गरिन्छ । यो नवौं एकल महिला दिवस हो ।

Related posts

खाद्य सुरक्षा, हाम्रो आवश्यकता

admin

एउटा घर बनाउनु छ

admin

जबरजस्त ओली सरकारको जबरजस्त अध्यादेश बजेट ०७८/०७९

admin